- 703 -

1446. Aug. 29. Lüben.

Herzog Heinrich von Gross-Glogau, Johannes Bude, liegnitzer Domprobst und der Rath von Lüben stiften einen Vergleich zwischen dem Juden Salomon aus Crossen und der Stadt Liegnitz wegen 150 Mark Gr., wofür diese im Namen Herzog Ludwigs II. Bürgschaft übernommen hatte.

Wir Heinrich von gots gnaden in Slezien zu Grossin Glogaw, Crossen etc. hercog, Johannes Bude tumprobist zu Legnicz vnd wir burgermeister vnd ratmanne der stad Loben bekennen offentlich in desem brife allen, die en sehen, horen ader lesen, das wir gancz, gar vnd entlich berichtet vnd entscheiden haben die erbarn vnd weisen . . ratmanne der stad Legnicz vor sich vnd die gancze gemeynde doselbist uff eyme vnd Salmon juden von Crossen vor sich, sein weib vnd kindere vnd alle, dy das beruren mochte, offin andern teile vmb alle solche sachen, forderunge vnd zusproche, die der genante Salmon zu en getan hatte von wegin eynis brifes, besagende vff hundert vnd fumfczehn marg groschen hewptstules, gegeben des jores alz man geczalt vnd geschreben hot noch der geburt Cristi vnsers hern firczenhundert im czwenczigisten jaren am sontage Inuocauit, vnd der vnder des hochgebornen fursten vnd hern etwenne herczogen Lodwigis seligen hern zu Legnicz alz selpschuldigers und der stad Legnicz alse burgen ingesegiln sal gesegelt sein, vnd vmb alles wucher, das her domite gefordert hatte vnd meynete vnd mochte mete gefordern von jener czeit seyner data bis hiher, vnd dy her von sottaner rechtisfurderunge wegen getan hatte, vnd was em douon geboren mochte vnd dozu vmb alle andere schulde vnd zusproche, dy her zu en gehaben muchte, welerley dy weren, ader geseyn mochten, keyne awsgenomen, also das die alle sollen gancz kein en vnd allen den eren abegetan vnd tod seyn vnd furbasmeher ewiglich nymmer gesucht noch gefordert werden in gerichte noch awswendig gerichtis noch in keynerweis, vnd alle solche brife dorobir sagende welirley vnd wievil der sein ader von wannen vsgegangen ader hernochmols ymmer wenne ader von weme dy funden ader vorbrocht würden, sollen craftelos sein vnd vntoglich vnd keyner macht haben, vnd wir obgenanter herczog Heinrich globen sie dobey getrewlich zu schotzen vnd zubehalden. Ouch sollen die obgenanten von Legnicz dem juden egenanten nym-mer forbasmeher dorumb geargen noch anlangen in keyner weis, sunder das allis sal gancz abegetan vnd eyne vorrichte sache sein. Solchen entscheid haben beide teile also globet vnd gewillet stete vnd vnvorbrochlich zuhalden in craft dis brifes vorsegelt mit vnsern anhangenden ingesegiln. Geschen vnd geben zu Loben am tage decollacionis s. Johannis baptisten, noch Crists geburt firczenhundert jor donoch im sechsvndfirczigisten jore. Dobey sein gewest dy erbarn Sigmund von Lessnaw, Baltasar Lest, Malchar Gorn, Görge Glawbis, Hannus Kazelicz hoptman zu Loben, Hanns von Nechelen, Nickel Czedelicz vnd her Johannes Stüler vnser Schreiber.

O. d. St. L. No. 388. Die drei Siegel, wohl erhalten, an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866